Unha historia de amor
Moi bo rapaz, pero despistado. Din de Freire os que o coñecen. Excesivamente despistado, un empolado. Capaz de perderse durante horas nun adestramento por Lisboa, tendo que volver ó hotel en taxi cando a noite se lle botara enriba ou de aparecer co maillot do seu equipo holandés na previa deste Mundial. Moitos ven nos seus despistes ó lado excéntrico de todo xenio. Neste caso dun xenio enamorado. Un ciclista seducido por unha carreira, por un maillot. A camisola arcoiris de campión do mundo. Unha relación basada na fidelidade. Freire só pensa en conseguila cada ano, esquecéndose do Tour, da Vuelta... A maglia só quere ó cántabro. Trata con crueldade a todo aquel que a consegue tras derrotar a Freire. Con lesións, con mala sorte, gañándose a fama de prenda embruxada, gafe. Pasoulle a Vainsteins, a Cipolini ou a Astarloa. Esta vez a cita para recupera-lo tempo perdido era en Verona, a terra de Romeo e Julieta, a cidade onde fai cinco anos xurdira o amor. Sentía Freire nos días previos un formigueo máis intenso que nas outras citas. Nervioso pola presencia dun pretendente como Bettini, empeñado en evita-la reconcialición. Sen embargo por Verona volveu aparecer él. O tío do mazo en versión gafe. O mesmo que facendo das súas evitou os grandes duelos desta temporada. Desta bastoulle con abrir unha porta contra a rodilla de Bettini. Esmagado o grilo, eliminado o aspirante, Freire seguiu as instruccións da súa particular Celestina. Antequera foi no seu día quen os presentou. Nesta ocasión preparou o encontro. Controlou a carreira gracias a un equipazo e utilizou a Valverde como cebo. Para finalmente deixar ós dous cara a cara. Freire volveu cumprir e esta relación xa vai polo terceiro. Como o propio Óscar dixo na celebración, el é un ciclista de Rabo-bank.
5 comentarios
Gabriel -
juancorso -
gemma -
CuervoCelta -
owen -